mohabbat mein jina nai baat hai
mohabbat meñ jiinā na.ī baat hai
na marnā bhī mar kar karāmāt hai
maiñ rusvā-e-ulfat vo mārūf-e-husn
baham shohratoñ meñ musāvāt hai
na shāhid na mai hai na bazm-e-tarab
ye ḳhamiyāza-e-tark-e-ādāt hai
shab o roz furqat hamārā har ek
ajal kā hai din maut kī raat hai
uḌī hai mai-e-muft 'sā.el' mudām
ki saaqī se gahrī mulāqāt hai
mohabbat mein jina nai baat hai
na marna bhi mar kar karamat hai
main ruswa-e-ulfat wo maruf-e-husn
baham shohraton mein musawat hai
na shahid na mai hai na bazm-e-tarab
ye KHamiyaza-e-tark-e-adat hai
shab o roz furqat hamara har ek
ajal ka hai din maut ki raat hai
uDi hai mai-e-muft 'sael' mudam
ki saqi se gahri mulaqat hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
