mohabbat to mohabbat hi nahin thi
mohabbat to mohabbat hī nahīñ thī
haqīqat meñ haqīqat hī nahīñ thī
maiñ us kī chaa.e kī pyālī thī lekin
use piine kī jur.at hī nahīñ thī
bichhaḌne kā bhī ik apnā maza thā
magar mujh meñ ye himmat hī nahīñ thī
burā mat mānñā par sach yahī hai
tujhe merī zarūrat hī nahīñ thī
kise maiñ DhūñDhtī apnī ḳhushī meñ
tumhāre ġham se fursat hī nahīñ thī
hameñ dil chāhiye thā us ko daulat
hamāre paas daulat hī nahīñ thī
bichhaḌne kā ḳhayāl aatā bhī kaise
hamāre beach qurbat hī nahīñ thī
ki ham anmol the kahne kī had tak
hamārī qadr-o-qīmat hī nahīñ thī
ġhazal meñ jaan 'raḳhshāñ' kaise aatī
tire jazboñ meñ shiddat hī nahīñ thī
mohabbat to mohabbat hi nahin thi
haqiqat mein haqiqat hi nahin thi
main us ki chae ki pyali thi lekin
use pine ki jurat hi nahin thi
bichhaDne ka bhi ek apna maza tha
magar mujh mein ye himmat hi nahin thi
bura mat manna par sach yahi hai
tujhe meri zarurat hi nahin thi
kise main DhunDhti apni KHushi mein
tumhaare gham se fursat hi nahin thi
hamein dil chahiye tha us ko daulat
hamare pas daulat hi nahin thi
bichhaDne ka KHayal aata bhi kaise
hamare beach qurbat hi nahin thi
ki hum anmol the kahne ki had tak
hamari qadr-o-qimat hi nahin thi
ghazal mein jaan 'raKHshan' kaise aati
tere jazbon mein shiddat hi nahin thi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
