mohabbaton ke chaman ki bahaar le ke chalen

mohabbatoñ ke chaman kī bahār le ke chaleñ

chaleñ to qāfila-e-mushk-bār le ke chaleñ

payām-e-amn ḳhulūs aur pyaar le ke chaleñ

vafā kā jazba-e-be-iḳhtiyār le ke chaleñ

qadam se pahle kareñ hausle kā andāza

buland azm qavī e.atibār le ke chaleñ

ġhamoñ se maarī huī kam-nasīb duniyā ko

na.e se ḳhvāb na.e lāla-zār le ke chaleñ

jamāl-e-shoḳh kā gar jāñ-fazā ishāra ho

to chashm-e-shauq-o-dil-e-be-qarār le ke chaleñ

shanāḳht apnī na kho.eñ jahāñ bhī jaa.eñ ham

dil-o-dimāġh meñ apnā dayār le ke chaleñ

baḌhā.eñ daulat-e-a.amāl-e-nek 'naġhmī' ki

na hashr meñ nigah-e-sharmsār le ke chaleñ

mohabbaton ke chaman ki bahaar le ke chalen

chalen to qafila-e-mushk-bar le ke chalen

payam-e-amn KHulus aur pyar le ke chalen

wafa ka jazba-e-be-iKHtiyar le ke chalen

qadam se pahle karen hausle ka andaza

buland azm qawi eatibar le ke chalen

ghamon se mari hui kam-nasib duniya ko

nae se KHwab nae lala-zar le ke chalen

jamal-e-shoKH ka gar jaan-faza ishaara ho

to chashm-e-shauq-o-dil-e-be-qarar le ke chalen

shanaKHt apni na khoen jahan bhi jaen hum

dil-o-dimagh mein apna dayar le ke chalen

baDhaen daulat-e-amal-e-nek 'naghmi' ki

na hashr mein nigah-e-sharmsar le ke chalen