kisi ko ghar mila hisse mein ya koi dukan aai

kisī ko ghar milā hisse meñ yā koī dukāñ aa.ī

maiñ ghar meñ sab se chhoTā thā mire hisse meñ maañ aa.ī

yahāñ se jaane vaalā lauT kar koī nahīñ aayā

maiñ rotā rah gayā lekin na vāpas jā ke maañ aa.ī

adhūre rāste se lauTnā achchhā nahīñ hotā

bulāne ke liye duniyā bhī aa.ī to kahāñ aa.ī

kisī ko gaañv se pardes le jā.egī phir shāyad

uḌātī rail-gāḌī Dher saarā phir dhuāñ aa.ī

mire bachchoñ meñ saarī ādateñ maujūd haiñ merī

to phir in bad-nasīboñ ko na kyuuñ urdu zabāñ aa.ī

qafas meñ mausamoñ kā koī andāza nahīñ hotā

ḳhudā jaane bahār aa.ī chaman meñ yā ḳhizāñ aa.ī

gharauñde to gharauñde haiñ chaTāneñ TuuT jaatī haiñ

uḌāne ke liye āñdhī agar nām-o-nishāñ aa.ī

kabhī ai ḳhush-nasībī mere ghar kā ruḳh bhī kar letī

idhar pahuñchī udhar pahuñchī yahāñ aa.ī vahāñ aa.ī

kisi ko ghar mila hisse mein ya koi dukan aai

main ghar mein sab se chhoTa tha mere hisse mein man aai

yahan se jaane wala lauT kar koi nahin aaya

main rota rah gaya lekin na wapas ja ke man aai

adhure raste se lauTna achchha nahin hota

bulane ke liye duniya bhi aai to kahan aai

kisi ko ganw se pardes le jaegi phir shayad

uDati rail-gaDi Dher sara phir dhuan aai

mere bachchon mein sari aadaten maujud hain meri

to phir in bad-nasibon ko na kyun urdu zaban aai

qafas mein mausamon ka koi andaza nahin hota

KHuda jaane bahaar aai chaman mein ya KHizan aai

gharaunde to gharaunde hain chaTanen TuT jati hain

uDane ke liye aandhi agar nam-o-nishan aai

kabhi ai KHush-nasibi mere ghar ka ruKH bhi kar leti

idhar pahunchi udhar pahunchi yahan aai wahan aai