mubah howegi uske tain farang sharab

mubāh hovegī us ke ta.iiñ farang sharāb

piyā kare hai jo ḳhūn-e-jigar ba-rang sharāb

chakhī hai chāshnī jis ne dil-e-birishta kī

vo shīr-e-mādar-e-baujhā hai be-darang sharāb

jo āshnā ho mohabbat se mai ke piine kā

safā karegī haqīqat meñ dil kā zang sharāb

ba-resh-e-dil mire marham hai par maiñ hairāñ huuñ

chubhī hai kyuuñ dil-e-zāhid meñ juuñ ḳhadang sharāb

sharāb kyā goyā ainak hai dil kī āñkhoñ kī

zuhūr-e-jalva-e-haq hai ba-har-tarañg sharāb

mubah howegi us ke tain farang sharab

piya kare hai jo KHun-e-jigar ba-rang sharab

chakhi hai chashni jis ne dil-e-birishta ki

wo shir-e-madar-e-baujha hai be-darang sharab

jo aashna ho mohabbat se mai ke pine ka

safa karegi haqiqat mein dil ka zang sharab

ba-resh-e-dil mere marham hai par main hairan hun

chubhi hai kyun dil-e-zahid mein jun KHadang sharab

sharab kya goya ainak hai dil ki aankhon ki

zuhur-e-jalwa-e-haq hai ba-har-tarang sharab