mubarak dosto tumko tumhaari bazm-arai

mubārak dosto tum ko tumhārī bazm-ārā.ī

ḳhudā-hāfiz maiñ ab chaltā huuñ sū-e-dasht-e-tanhā.ī

ravish badlī na gul mahke na naġhme haiñ na shahnā.ī

baḌā shohrā thā gulshan meñ bahār aa.ī bahār aa.ī

ḳhushā e.ajāz ulfat daf.atan ye kaisī yaad aa.ī

sar-e-tūr-e-taḳhayyul jaise mauj-e-barq lahrā.ī

na hargiz shikva-e-begānagī kartā zamāne se

jo hotā āshnā-e-lazzat-e-zaḳhm-e-shanāsā.ī

koī sar-gashta-e-rasm-e-junūñ hai na.ara-zan 'at.har'

sar-e-shahr-e-ḳhamoshāñ kaisī āvāz-e-azāñ aa.ī

mubarak dosto tum ko tumhaari bazm-arai

KHuda-hafiz main ab chalta hun su-e-dasht-e-tanhai

rawish badli na gul mahke na naghme hain na shahnai

baDa shohra tha gulshan mein bahaar aai bahaar aai

KHusha eajaz ulfat dafatan ye kaisi yaad aai

sar-e-tur-e-taKHayyul jaise mauj-e-barq lahrai

na hargiz shikwa-e-beganagi karta zamane se

jo hota aashna-e-lazzat-e-zaKHm-e-shanasai

koi sar-gashta-e-rasm-e-junun hai nara-zan 'athar'

sar-e-shahr-e-KHamoshan kaisi aawaz-e-azan aai