mubarak hon tujhe KHairaat ke gul

mubārak hoñ tujhe ḳhairāt ke gul

khileñge phir mire hālāt ke gul

koī to jiit kar bhī ḳhush nahīñ hai

kisī ko bhā rahe haiñ maat ke gul

abhī jumloñ meñ un ke hai sharārat

abhī taaza haiñ kuchh jazbāt ke gul

duā go haiñ ka.ī hansoñ ke joḌe

khilā de yā ḳhudā barsāt ke gul

tumhārī ḳhushbueñ pahchāntā huuñ

ye lagte haiñ tumhāre haath ke gul

abhī har hukm maanā jā rahā hai

abhī taaza haiñ merī baat ke gul

unheñ kaise nazar-andāz kar duuñ

jo tum ne bheje hai sauġhāt ke gul

mubarak hon tujhe KHairaat ke gul

khilenge phir mere haalat ke gul

koi to jit kar bhi KHush nahin hai

kisi ko bha rahe hain mat ke gul

abhi jumlon mein un ke hai shararat

abhi taza hain kuchh jazbaat ke gul

dua go hain kai hanson ke joDe

khila de ya KHuda barsat ke gul

tumhaari KHushbuen pahchanta hun

ye lagte hain tumhaare hath ke gul

abhi har hukm mana ja raha hai

abhi taza hain meri baat ke gul

unhen kaise nazar-andaz kar dun

jo tum ne bheje hai saughat ke gul