mubham taKHayyulat ke paikar tarashna
mub.ham taḳhayyulāt ke paikar tarāshnā
hai mashġhala ḳhalāoñ meñ manzar tarāshnā
laḌnā har ek lamha samundar se raat ke
aur ḳhvāb ke jazīre meñ ik ghar tarāshnā
āñkhoñ ko merī aap ne sauñpā hai ḳhuub kaam
jugnū uchhālnā kabhī gauhar tarāshnā
peshāniyoñ pe likhnā ḳhud apnā hameñ nasīb
hāthoñ se apne apnā muqaddar tarāshnā
paiham sulagtī dhuup meñ jalnā tamām din
shab-bhar hasīn ḳhvāboñ ke paikar tarāshnā
kyā ḳhuub lutf dene lagī ḳhud-aziyyatī
achchhā lagā ḳhud apnā hameñ sar tarāshnā
lahje kī narmiyoñ se 'qamar' merā rābta
un ko 'azīz tanz ke nashtar tarāshnā
mubham taKHayyulat ke paikar tarashna
hai mashghala KHalaon mein manzar tarashna
laDna har ek lamha samundar se raat ke
aur KHwab ke jazire mein ek ghar tarashna
aankhon ko meri aap ne saunpa hai KHub kaam
jugnu uchhaalna kabhi gauhar tarashna
peshaniyon pe likhna KHud apna hamein nasib
hathon se apne apna muqaddar tarashna
paiham sulagti dhup mein jalna tamam din
shab-bhar hasin KHwabon ke paikar tarashna
kya KHub lutf dene lagi KHud-aziyyati
achchha laga KHud apna hamein sar tarashna
lahje ki narmiyon se 'qamar' mera rabta
un ko 'aziz tanz ke nashtar tarashna
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
