muddat se hun main sar-KHush-e-sahba-e-shaeri

muddat se huuñ maiñ sar-ḳhush-e-sahbā-e-shā.erī

nādāñ hai jis ko mujh se hai da.avā-e-shā.erī

maiñ lucknow meñ zamzama-sañjān-e-shahr ko

barsoñ dikhā chukā huuñ tamāshā-e-shā.erī

phabtā nahīñ hai bazm-e-amīrān-e-dahr meñ

shā.er ko mere sāmne ġhauġhā-e-shā.erī

ik turfa ḳhar se kaam paḌā hai mujhe ki haa.e

samjhe hai aap ko vo masīhā-e-shā.erī

hai shā.eroñ kī ab ke zamāne meñ ye ma.āsh

phirte haiñ bechte hue kālā-e-shā.erī

letā nahīñ jo mol koī muft bhī use

ḳhiffat uThā ke aate haiñ ghar vaa.e shā.erī

ai 'mus.hafī' ze-gosha-e-ḳhalvat-burūñ ḳhirām

ḳhālīst az-barā.e tū ḳhud jā-e-shā.erī

har sifla-rā zabān-o-bayān-e-tū-kai rasad

aare tuī fuġhānī o bābā-e-shā.erī

majnūñ manam chirā digare rañj mī burad

dar hissa-e-man āmada lailā-e-shā.erī

muddat se hun main sar-KHush-e-sahba-e-shaeri

nadan hai jis ko mujh se hai dawa-e-shaeri

main lucknow mein zamzama-sanjaan-e-shahr ko

barson dikha chuka hun tamasha-e-shaeri

phabta nahin hai bazm-e-amiran-e-dahr mein

shaer ko mere samne ghaugha-e-shaeri

ek turfa KHar se kaam paDa hai mujhe ki hae

samjhe hai aap ko wo masiha-e-shaeri

hai shaeron ki ab ke zamane mein ye maash

phirte hain bechte hue kala-e-shaeri

leta nahin jo mol koi muft bhi use

KHiffat uTha ke aate hain ghar wae shaeri

ai 'mushafi' ze-gosha-e-KHalwat-burun KHiram

KHalist az-barae tu KHud ja-e-shaeri

har sifla-ra zaban-o-bayan-e-tu-kai rasad

aare tui fughani o baba-e-shaeri

majnun manam chira digare ranj mi burad

dar hissa-e-man aamada laila-e-shaeri