muhit-e-rahmat hai josh-afza hui hai abr-e-saKHa ki aamad

muhīt-e-rahmat hai josh-afzā huī hai abr-e-saḳhā kī aamad

ḳhudā kī har chiiz kah rahī hai ki ab hai nūr-e-ḳhudā kī aamad

falak ko hai aarzū ki jhuk kar maiñ apne taare karūñ nichhāvar

huī hai makka kī sar-zamīñ pe ye aaj kis mah-laqā kī aamad

har ik muhib par ye fazl-e-rab hai asar ko nāloñ kī ḳhud talab hai

magar us altāf kā sabab hai habīb-e-rabb-ul-alāl kī aamad

'hijāb' paiham ye kah rahā hai gunāhgāroñ ne josh-e-rahmat

mubārak ai āsiyo mubārak shafī-e-roz-e-jazā kī aamad

muhit-e-rahmat hai josh-afza hui hai abr-e-saKHa ki aamad

KHuda ki har chiz kah rahi hai ki ab hai nur-e-KHuda ki aamad

falak ko hai aarzu ki jhuk kar main apne tare karun nichhawar

hui hai makka ki sar-zamin pe ye aaj kis mah-laqa ki aamad

har ek muhib par ye fazl-e-rab hai asar ko nalon ki KHud talab hai

magar us altaf ka sabab hai habib-e-rabb-ul-alal ki aamad

'hijab' paiham ye kah raha hai gunahgaron ne josh-e-rahmat

mubarak ai aasiyo mubarak shafi-e-roz-e-jaza ki aamad