mujhko daulat mili tere gham ki

mujh ko daulat milī tire ġham kī

kyā haqīqat hai ab do-ālam kī

maiñ ne gardan jahāñ jahāñ ḳham kī

ik tajallī hai nūr-e-paiham kī

husn zīnat hai ahd-e-mub.ham kī

ishq hurmat hai naqsh-e-mohkam kī

naala pahuñchā ba-hadd-e-ḳhāmoshī

intihā hai junūñ ke aalam kī

kyuuñ na vāqif hoñ rāz-e-hastī se

mujh ko hāsil hai ma.arifat ġham kī

jo thā maz.har vahī banā parda

rāz-dārī ye tere mahram kī

tūr-e-dil par hai nuur kī bārish

kitnī azmat hai chashm-e-pur-nam kī

un ke partav kā nuur haiñ donoñ

ek hastī hai mahr o shabnam kī

sab ko hairat hai do-jahāñ māñgā

mujh ko hasrat ki aarzū kam kī

kar rahā huuñ duā ki dard baḌhe

fikr kartā huuñ roz marham kī

dil ḳhudā se lagā 'bashīr' ab tū

paa.ī barkat hai ism-e-āzam kī

mujh ko daulat mili tere gham ki

kya haqiqat hai ab do-alam ki

main ne gardan jahan jahan KHam ki

ek tajalli hai nur-e-paiham ki

husn zinat hai ahd-e-mubham ki

ishq hurmat hai naqsh-e-mohkam ki

nala pahuncha ba-hadd-e-KHamoshi

intiha hai junun ke aalam ki

kyun na waqif hon raaz-e-hasti se

mujh ko hasil hai marifat gham ki

jo tha mazhar wahi bana parda

raaz-dari ye tere mahram ki

tur-e-dil par hai nur ki barish

kitni azmat hai chashm-e-pur-nam ki

un ke partaw ka nur hain donon

ek hasti hai mahr o shabnam ki

sab ko hairat hai do-jahan manga

mujh ko hasrat ki aarzu kam ki

kar raha hun dua ki dard baDhe

fikr karta hun roz marham ki

dil KHuda se laga 'bashir' ab tu

pai barkat hai ism-e-azam ki