mujhko dushwar hua jis ka nazara tanha

mujh ko dushvār huā jis kā nazārā tanhā

kaash mil jaa.e kahīñ mujh ko dobārā tanhā

ai shab-e-hijr mujhe tū ne to dekhā hogā

merī mānind na thā subah kā taarā tanhā

tum na Thahre to kahāñ mauj-e-gurezāñ ruktī

merī āġhosh kī sūrat hai kinārā tanhā

uzr kyā kyā na tarāshā kiye arbāb-e-havas

jaan dene kā huā ishq ko yaarā tanhā

yuuñ bhī mahsūs huā jaise ki maiñ hī to huuñ

ek lamhe meñ jise maiñ ne guzārā tanhā

yuuñ to duniyā meñ bahut haiñ ki rahe haiñ nākām

bāzī-e-ishq ko maiñ jaan ke haarā tanhā

tū ne ai yaar azīzāñ ye ināyat kyuuñ kī

zindagī yuuñ bhī na thī mujh ko gavārā tanhā

mujh ko dushwar hua jis ka nazara tanha

kash mil jae kahin mujh ko dobara tanha

ai shab-e-hijr mujhe tu ne to dekha hoga

meri manind na tha subah ka tara tanha

tum na Thahre to kahan mauj-e-gurezan rukti

meri aaghosh ki surat hai kinara tanha

uzr kya kya na tarasha kiye arbab-e-hawas

jaan dene ka hua ishq ko yara tanha

yun bhi mahsus hua jaise ki main hi to hun

ek lamhe mein jise main ne guzara tanha

yun to duniya mein bahut hain ki rahe hain nakaam

bazi-e-ishq ko main jaan ke haara tanha

tu ne ai yar azizan ye inayat kyun ki

zindagi yun bhi na thi mujh ko gawara tanha