mujhko hona hai to darwesh ke jaisa ho jaun

mujh ko honā hai to darvesh ke jaisā ho jā.ūñ

manzileñ sab ke liye aur maiñ rasta ho jā.ūñ

kitnā dushvār hai ik lamha bhī apnā honā

us ko zid hai ki maiñ har haal meñ us kā ho jā.ūñ

maiñ ne āñkhoñ ko tirī ġhaur se dekhā hai bahut

ye to mumkin hī nahīñ hai ki maiñ andhā ho jā.ūñ

jo harārat hai badan meñ vo tire lams kī hai

tū mujhe gar na chhue miTTī kā tuudā ho jā.ūñ

is qadar lutf bikharne meñ milā hai mujh ko

maiñ ne koshish hī nahīñ kī kabhī yakjā ho jā.ūñ

phir ye Dartā huuñ ḳhudā jaane bhalā kaisā ho

jī meñ aatā hai kabhī apnā bhī chehra ho jā.ūñ

ġhā.ebāna hī sahī merā ta.āruf ho jaa.e

maiñ kahānī kā kisī tarah se hissa ho jā.ūñ

is tarah yaad tirī aa ke uchak le mujh ko

daf.atan bhiiḌ meñ chalte hue tanhā ho jā.ūñ

in tabīboñ ko ilāj-e-ġham-e-dil kyā ma.alūm

tum ayādat ko chale aao to achchhā ho jā.ūñ

yuuñ hī miTTī meñ paḌā ek hunar huuñ maiñ bhī

jauharī mujh ko parakh le to maiñ hiirā ho jā.ūñ

tū nahīñ yaad nahīñ koī nahīñ maiñ bhī nahīñ

aur kuchh aur maiñ kuchh aur akelā ho jā.ūñ

mujh ko hona hai to darwesh ke jaisa ho jaun

manzilen sab ke liye aur main rasta ho jaun

kitna dushwar hai ek lamha bhi apna hona

us ko zid hai ki main har haal mein us ka ho jaun

main ne aankhon ko teri ghaur se dekha hai bahut

ye to mumkin hi nahin hai ki main andha ho jaun

jo hararat hai badan mein wo tere lams ki hai

tu mujhe gar na chhue miTTi ka tuda ho jaun

is qadar lutf bikharne mein mila hai mujh ko

main ne koshish hi nahin ki kabhi yakja ho jaun

phir ye Darta hun KHuda jaane bhala kaisa ho

ji mein aata hai kabhi apna bhi chehra ho jaun

ghaebana hi sahi mera taaruf ho jae

main kahani ka kisi tarah se hissa ho jaun

is tarah yaad teri aa ke uchak le mujh ko

dafatan bhiD mein chalte hue tanha ho jaun

in tabibon ko ilaj-e-gham-e-dil kya malum

tum ayaadat ko chale aao to achchha ho jaun

yun hi miTTi mein paDa ek hunar hun main bhi

jauhari mujh ko parakh le to main hira ho jaun

tu nahin yaad nahin koi nahin main bhi nahin

aur kuchh aur main kuchh aur akela ho jaun