ai KHuda jism mein tu ne ye banaya kya hai

ai ḳhudā jism meñ tū ne ye banāyā kyā hai

dil to ye hai hī nahīñ phir ye dhaḌaktā kyā hai

ishq kī shāḳh pe aa.egā chalā jaatā hai

dil ke panchhī kā bhalā Thor-Thikāna kyā hai

har nasha kar ke yahāñ dekh chukā huuñ yāroñ

bhuul jaane kā use aur tarīqa kyā hai

terī yādoñ meñ bahā.e haiñ jo aañsū itne

aañkh bhī pūchh rahī hai ki bachāyā kyā hai

yuuñ mulāqāt kā ye daur banā.e rakhiye

maut kab saath nibhā jaa.e bharosa kyā hai

hijr ke ba.ad ye socho ki kahāñ jāoge

ham to mar jā.eñge vaise bhī hamārā kyā hai

'mīt' ḳhvāboñ kī ḳhumārī se nikalne ke baad

us se ik baar to pūchho ki batātā kyā hai

ai KHuda jism mein tu ne ye banaya kya hai

dil to ye hai hi nahin phir ye dhaDakta kya hai

ishq ki shaKH pe aaega chala jata hai

dil ke panchhi ka bhala Thor-Thikana kya hai

har nasha kar ke yahan dekh chuka hun yaron

bhul jaane ka use aur tariqa kya hai

teri yaadon mein bahae hain jo aansu itne

aankh bhi puchh rahi hai ki bachaya kya hai

yun mulaqat ka ye daur banae rakhiye

maut kab sath nibha jae bharosa kya hai

hijr ke baad ye socho ki kahan jaoge

hum to mar jaenge waise bhi hamara kya hai

'mit' KHwabon ki KHumari se nikalne ke baad

us se ek bar to puchho ki batata kya hai