mujhko shikast-e-dil ka maza yaad aa gaya
mujh ko shikast-e-dil kā mazā yaad aa gayā
tum kyuuñ udaas ho ga.e kyā yaad aa gayā
kahne ko zindagī thī bahut muḳhtasar magar
kuchh yuuñ basar huī ki ḳhudā yaad aa gayā
vaa.iz salām le ki chalā mai-kade ko maiñ
firdaus-e-gum-shuda kā patā yaad aa gayā
barse baġhair hī jo ghaTā ghir ke khul ga.ī
ik bevafā kā ahd-e-vafā yaad aa gayā
māñgeñge ab duā ki use bhuul jaa.eñ ham
lekin jo vo ba-vaqt-e-duā yaad aa gayā
hairat hai tum ko dekh ke masjid meñ ai 'ḳhumār'
kyā baat ho ga.ī jo ḳhudā yaad aa gayā
mujh ko shikast-e-dil ka maza yaad aa gaya
tum kyun udas ho gae kya yaad aa gaya
kahne ko zindagi thi bahut muKHtasar magar
kuchh yun basar hui ki KHuda yaad aa gaya
waiz salam le ki chala mai-kade ko main
firdaus-e-gum-shuda ka pata yaad aa gaya
barse baghair hi jo ghaTa ghir ke khul gai
ek bewafa ka ahd-e-wafa yaad aa gaya
mangenge ab dua ki use bhul jaen hum
lekin jo wo ba-waqt-e-dua yaad aa gaya
hairat hai tum ko dekh ke masjid mein ai 'KHumar'
kya baat ho gai jo KHuda yaad aa gaya
Tagged Under
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
