mujhko ta-umr taDapne ki saza hi dena

mujh ko tā-'umr taḌapne kī sazā hī denā

tujh ko manzūr agar ho to bhulā hī denā

ai ġham-e-hijr vo tohmat jo lagā.e mujh par

merī be-laus mohabbat kī gavāhī denā

ye alag baat ki ho jā.ūñ mohabbat meñ tabāh

tū na mujh ko kabhī ehsās-e-tabāhī denā

vo jo majbūr kareñ sharh-e-ġham-e-furqat ko

ashk-āmez nigāhoñ se sunā hī denā

un ke dāman ko mah-o-mehr se karnā ma'amūr

mere hisse meñ jahāñ bhar kī siyāhī denā

vo javāñ ke kahīñ fitna-e-daurāñ na bane

husn ko fitrat-e-ma.ashūq-nigāhī denā

aaj bhī yaad hai ai dost ināyat terī

vo tirā itnā hañsānā ki rulā hī denā

mere har sher meñ rūdād-e-sitam hai un kī

ai 'zafar' merī ġhazal un ko sunā hī denā

mujh ko ta-'umr taDapne ki saza hi dena

tujh ko manzur agar ho to bhula hi dena

ai gham-e-hijr wo tohmat jo lagae mujh par

meri be-laus mohabbat ki gawahi dena

ye alag baat ki ho jaun mohabbat mein tabah

tu na mujh ko kabhi ehsas-e-tabahi dena

wo jo majbur karen sharh-e-gham-e-furqat ko

ashk-amez nigahon se suna hi dena

un ke daman ko mah-o-mehr se karna ma'amur

mere hisse mein jahan bhar ki siyahi dena

wo jawan ke kahin fitna-e-dauran na bane

husn ko fitrat-e-mashuq-nigahi dena

aaj bhi yaad hai ai dost inayat teri

wo tera itna hansana ki rula hi dena

mere har sher mein rudad-e-sitam hai un ki

ai 'zafar' meri ghazal un ko suna hi dena