mujhko tum se nahin gila koi

mujh ko tum se nahīñ gila koī

dard-e-dil kī bhī hai davā koī

kyā sunā.ūñ maiñ qissa-e-shab-e-ġham

ibtidā hai na intihā koī

ittifāqāt haiñ zamāne ke

terī mahfil se uTh gayā koī

zaḳhm-e-dil muskurā uThā āḳhir

dil se naala nikal paḌā koī

rāh-e-shauq-e-talab meñ ai hamdam

DhūñD hargiz na naqsh-e-pā koī

justujū hai to un kī manzil kā

mil hī jā.egā rāsta koī

muskurā.ūñ maiñ kis tarah 'sābir'

chārāgar hī nahīñ rahā koī

mujh ko tum se nahin gila koi

dard-e-dil ki bhi hai dawa koi

kya sunaun main qissa-e-shab-e-gham

ibtida hai na intiha koi

ittifaqat hain zamane ke

teri mahfil se uTh gaya koi

zaKHm-e-dil muskura uTha aaKHir

dil se nala nikal paDa koi

rah-e-shauq-e-talab mein ai hamdam

DhunD hargiz na naqsh-e-pa koi

justuju hai to un ki manzil ka

mil hi jaega rasta koi

muskuraun main kis tarah 'sabir'

chaaragar hi nahin raha koi