aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mujhko ye fikr kab hai ki saya kahan gaya

Faisal Ajmi

mujhko ye fikr kab hai ki saya kahan gaya

Faisal Ajmi

MORE BYFaisal Ajmi

    mujh ko ye fikr kab hai ki saaya kahāñ gayā

    sūraj ko ro rahā huuñ ḳhudāyā kahāñ gayā

    phir aa.ine meñ ḳhuun dikhā.ī diyā mujhe

    āñkhoñ meñ aa gayā to chhupāyā kahāñ gayā

    āvāz de rahā thā koī mujh ko ḳhvāb meñ

    lekin ḳhabar nahīñ ki bulāyā kahāñ gayā

    kitne charāġh ghar meñ jalā.e ga.e na pūchh

    ghar aap jal gayā hai jalāyā kahāñ gayā

    ye bhī ḳhabar nahīñ hai ki hamrāh kaun hai

    pūchhā kahāñ gayā hai batāyā kahāñ gayā

    vo bhī badal gayā hai mujhe chhoḌne ke baad

    mujh se bhī apne aap meñ aayā kahāñ gayā

    tujh ko gañvā diyā hai magar apne aap ko

    barbād kar diyā hai gañvāyā kahāñ gayā

    mujh ko ye fikr kab hai ki saya kahan gaya

    suraj ko ro raha hun KHudaya kahan gaya

    phir aaine mein KHun dikhai diya mujhe

    aankhon mein aa gaya to chhupaya kahan gaya

    aawaz de raha tha koi mujh ko KHwab mein

    lekin KHabar nahin ki bulaya kahan gaya

    kitne charagh ghar mein jalae gae na puchh

    ghar aap jal gaya hai jalaya kahan gaya

    ye bhi KHabar nahin hai ki hamrah kaun hai

    puchha kahan gaya hai bataya kahan gaya

    wo bhi badal gaya hai mujhe chhoDne ke baad

    mujh se bhi apne aap mein aaya kahan gaya

    tujh ko ganwa diya hai magar apne aap ko

    barbaad kar diya hai ganwaya kahan gaya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now