mujh mein paiwast ho chuki ho tum

mujh meñ paivast ho chukī ho tum

mere andar kī ḳhāmushī ho tum

kyā faqat shauq rah gayā huuñ maiñ

kis tarah baat kar rahī ho tum

ḳhaas ye hai ke maiñ nahīñ badla

aur dilchasp ke vahī ho tum

itnā andāza-e-safar hai mujhe

āḳhirī moḌ pe khaḌī ho tum

kis qadar chīḳhne lagā huuñ maiñ

kitnī ḳhāmosh ho ga.ī ho tum

ḳhvāb meñ kyā dikhā.ī paḌtā hai

kis ke kāñdhe pe so rahī ho tum

ek dhakkā sā lag gayā hai mujhe

sun liyā hai ke ro rahī ho tum

mujh mein paiwast ho chuki ho tum

mere andar ki KHamushi ho tum

kya faqat shauq rah gaya hun main

kis tarah baat kar rahi ho tum

KHas ye hai ke main nahin badla

aur dilchasp ke wahi ho tum

itna andaza-e-safar hai mujhe

aaKHiri moD pe khaDi ho tum

kis qadar chiKHne laga hun main

kitni KHamosh ho gai ho tum

KHwab mein kya dikhai paDta hai

kis ke kandhe pe so rahi ho tum

ek dhakka sa lag gaya hai mujhe

sun liya hai ke ro rahi ho tum