mujh pe rakhte hain hashr mein ilzam
mujh pe rakhte haiñ hashr meñ ilzām
aa na jaa.e zabāñ pe terā naam
zabt kī koshisheñ bhī jaarī haiñ
dard bhī kar rahā hai apnā kaam
jo ibārat na ho tire ġham se
ahl-e-dil par vo zindagī hai harām
vaqfa-e-maut bhī ġhanīmat hai
kuchh to fil-jumla mil gayā ārām
us ne dekhā hai shaam kā manzar
jis ne dekhī hai bekasoñ kī shaam
kis se ab dard kī davā chāhūñ
dard uThtā hai le ke terā naam
ab qayāmat qarīb hai 'fānī'
fitna-e-ishq ho chalā hai tamām
mujh pe rakhte hain hashr mein ilzam
aa na jae zaban pe tera nam
zabt ki koshishen bhi jari hain
dard bhi kar raha hai apna kaam
jo ibarat na ho tere gham se
ahl-e-dil par wo zindagi hai haram
waqfa-e-maut bhi ghanimat hai
kuchh to fil-jumla mil gaya aaram
us ne dekha hai sham ka manzar
jis ne dekhi hai bekason ki sham
kis se ab dard ki dawa chahun
dard uThta hai le ke tera nam
ab qayamat qarib hai 'fani'
fitna-e-ishq ho chala hai tamam
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
