mujhse itna na inhiraf karo

mujh se itnā na inhirāf karo

jo ḳhatā ho ga.ī muaaf karo

maiñ ḳhatāoñ ko maan letā huuñ

tum mohabbat kā e'tirāf karo

ye kudūrat nahīñ tumheñ zebā

dil ko merī taraf se saaf karo

faisla tum pe ab to chhoḌ diyā

mere haq meñ karo ḳhilāf karo

merī har baat meñ hai majbūrī

merī har baat ko muaaf karo

saaf hai mere dil kā ā.īna

mujh se tum baat saaf saaf karo

kū-e-jānāñ maqām-e-faiz hai 'arsh'

tum isī ka.abe kā tavāf karo

mujh se itna na inhiraf karo

jo KHata ho gai muaf karo

main KHataon ko man leta hun

tum mohabbat ka e'tiraf karo

ye kudurat nahin tumhein zeba

dil ko meri taraf se saf karo

faisla tum pe ab to chhoD diya

mere haq mein karo KHilaf karo

meri har baat mein hai majburi

meri har baat ko muaf karo

saf hai mere dil ka aaina

mujh se tum baat saf saf karo

ku-e-jaanan maqam-e-faiz hai 'arsh'

tum isi kabe ka tawaf karo