mujhe aah-o-fughan-e-nim-shab ka phir payam aaya
Interesting Fact
Baal-e-Gibril
mujhe āh-o-fuġhān-e-nīm-shab kā phir payām aayā
tham ai rah-rau ki shāyad phir koī mushkil maqām aayā
zarā taqdīr kī gahrā.iyoñ meñ Duub jā tū bhī
ki is jañgāh se maiñ ban ke teġh-e-be-niyām aayā
ye misrā likh diyā kis shoḳh ne mehrāb-e-masjid par
ye nādāñ gir ga.e sajdoñ meñ jab vaqt-e-qayām aayā
chal ai merī ġharībī kā tamāshā dekhne vaale
vo mahfil uTh ga.ī jis dam to mujh tak daur-e-jām aayā
diyā 'iqbāl' ne hindī musalmānoñ ko soz apnā
ye ik mard-e-tan-āsāñ thā tan-āsānoñ ke kaam aayā
usī 'iqbāl' kī maiñ justujū kartā rahā barsoñ
baḌī muddat ke ba.ad āḳhir vo shāhīñ zer-e-dām aayā
mujhe aah-o-fughan-e-nim-shab ka phir payam aaya
tham ai rah-rau ki shayad phir koi mushkil maqam aaya
zara taqdir ki gahraiyon mein Dub ja tu bhi
ki is jangah se main ban ke tegh-e-be-niyam aaya
ye misra likh diya kis shoKH ne mehrab-e-masjid par
ye nadan gir gae sajdon mein jab waqt-e-qayam aaya
chal ai meri gharibi ka tamasha dekhne wale
wo mahfil uTh gai jis dam to mujh tak daur-e-jam aaya
diya 'iqbaal' ne hindi musalmanon ko soz apna
ye ek mard-e-tan-asan tha tan-asanon ke kaam aaya
usi 'iqbaal' ki main justuju karta raha barson
baDi muddat ke baad aaKHir wo shahin zer-e-dam aaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
