mujhe ai ahl-e-kaba yaad kya mai-KHana aata hai
mujhe ai ahl-e-ka.aba yaad kyā mai-ḳhāna aatā hai
udhar dīvāna jaatā hai idhar mastāna aatā hai
mirī mizhgāñ se aañsū pochhtā hai kis liye nāseh
Tapak paḌtā hai ḳhud jo is shajar meñ daana aatā hai
ye aamad hai ki aafat hai nigah kuchh hai adā kuchh hai
ilāhī ḳhair mujh se āshnā begāna aatā hai
dam-e-taqrīr naale halq meñ chhuriyāñ chubhote haiñ
zabāñ tak TukḌe ho ho kar mirā afsāna aatā hai
ruḳh-e-raushan ke aage sham.a rakh kar vo ye kahte haiñ
udhar jaatā hai dekheñ yā idhar parvāna aatā hai
jigar tak aate aate sau jagah girtā huā aayā
tirā tīr-e-nazar aatā hai yā mastāna aatā hai
vahī jhagḌā hai furqat kā vahī qissa hai ulfat kā
tujhe ai 'dāġh' koī aur bhī afsāna aatā hai
mujhe ai ahl-e-kaba yaad kya mai-KHana aata hai
udhar diwana jata hai idhar mastana aata hai
meri mizhgan se aansu pochhta hai kis liye naseh
Tapak paDta hai KHud jo is shajar mein dana aata hai
ye aamad hai ki aafat hai nigah kuchh hai ada kuchh hai
ilahi KHair mujh se aashna begana aata hai
dam-e-taqrir nale halq mein chhuriyan chubhote hain
zaban tak TukDe ho ho kar mera afsana aata hai
ruKH-e-raushan ke aage shama rakh kar wo ye kahte hain
udhar jata hai dekhen ya idhar parwana aata hai
jigar tak aate aate sau jagah girta hua aaya
tera tir-e-nazar aata hai ya mastana aata hai
wahi jhagDa hai furqat ka wahi qissa hai ulfat ka
tujhe ai 'dagh' koi aur bhi afsana aata hai
- Book : Ghazal Usne Chhedi(3) (Pg. 233)
- Author : Farhat Ehsas
- Publication : Rekhta Books (2017)
- Edition : 2017
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
