mujhe aisa koi jadu na aae

mujhe aisā koī jaadū na aa.e

ġhazāl-e-shab mire qaabū na aa.e

'ajab duniyā-e-lā-hāsil hai jis meñ

tirī ḳhushbū to aa.e tū na aa.e

ye shāḳh-e-dil ki had se baḌh rahī hai

idhar kyūñkar tire chāqū na aa.e

hamārī pyaas dariyā tak na pahuñchī

hamāre dasht meñ aahū na aa.e

ye ḳhālis raftagāñ kā ġham hai is meñ

ġham-e-duniyā tumhārī bū na aa.e

mujhe aisa koi jadu na aae

ghazal-e-shab mere qabu na aae

'ajab duniya-e-la-hasil hai jis mein

teri KHushbu to aae tu na aae

ye shaKH-e-dil ki had se baDh rahi hai

idhar kyunkar tere chaqu na aae

hamari pyas dariya tak na pahunchi

hamare dasht mein aahu na aae

ye KHalis raftagan ka gham hai is mein

gham-e-duniya tumhaari bu na aae