mujhe bhi sahni paDegi muKhaalifat apni

mujhe bhī sahnī paḌegī muḳhālifat apnī

jo khul ga.ī kabhī mujh par munāfiqat apnī

maiñ ḳhud se mil ke kabhī saaf saaf kah dūñgā

mujhe pasand nahīñ hai mudāḳhalat apnī

maiñ sharmsār huā apne aap se phir bhī

qubūl kī hī nahīñ maiñ ne ma.azarat apnī

zamāne se to mirā kuchh gila nahīñ bantā

ki mujh se merā ta.alluq thā ma.arifat apnī

ḳhabar nahīñ abhī duniyā ko mere sānehe kī

so apne aap se kartā huuñ ta.aziyat apnī

mujhe bhi sahni paDegi muKHalifat apni

jo khul gai kabhi mujh par munafiqat apni

main KHud se mil ke kabhi saf saf kah dunga

mujhe pasand nahin hai mudaKHalat apni

main sharmsar hua apne aap se phir bhi

qubul ki hi nahin main ne mazarat apni

zamane se to mera kuchh gila nahin banta

ki mujh se mera talluq tha marifat apni

KHabar nahin abhi duniya ko mere sanehe ki

so apne aap se karta hun taziyat apni