mujhe bhul jaane wale mere dil ki kuchh KHabar bhi

mujhe bhuul jaane vaale mire dil kī kuchh ḳhabar bhī

mirī aañkh par na jaanā ye to ḳhushk bhī hai tar bhī

ye qadam ruke ruke se ye jhukā jhukā sā sar bhī

yahīñ un kā naqsh-e-pā hai yahī un kī rahguzar bhī

falak-āshnā sahī ham magar ehtiyāt lāzim

ki qafas meñ le na jaa.e ye mazāq-e-bāl-o-par bhī

baḌe shauq se hue the yuuñ haram ko ham ravāna

ye ḳhabar na thī ki rah meñ hai tumhārā sañg-e-dar bhī

ho darāz umr yārab mire shaiḳh-o-barahman kī

kahīñ ḳhatm ho na jaa.e ye jahān-e-ḳhair-o-shar bhī

na badal rahī haiñ ghaḌiyāñ na sitāre Dūbte haiñ

kahīñ thak ke so ga.ī hai shab-e-hijr kī sahar bhī

mujhe bhul jaane wale mere dil ki kuchh KHabar bhi

meri aankh par na jaana ye to KHushk bhi hai tar bhi

ye qadam ruke ruke se ye jhuka jhuka sa sar bhi

yahin un ka naqsh-e-pa hai yahi un ki rahguzar bhi

falak-ashna sahi hum magar ehtiyat lazim

ki qafas mein le na jae ye mazaq-e-baal-o-par bhi

baDe shauq se hue the yun haram ko hum rawana

ye KHabar na thi ki rah mein hai tumhaara sang-e-dar bhi

ho daraaz umr yarab mere shaiKH-o-barahman ki

kahin KHatm ho na jae ye jahan-e-KHair-o-shar bhi

na badal rahi hain ghaDiyan na sitare Dubte hain

kahin thak ke so gai hai shab-e-hijr ki sahar bhi