mujhe de ke dil jaan khona paDa hai

mujhe de ke dil jaan khonā paḌā hai

ġharaz haath donoñ se dhonā paḌā hai

jo ronā yahī hai to phūTeñgī āñkheñ

mujhe ab to āñkhoñ kā ronā paḌā hai

kiye saikaḌoñ ghar mohabbat ne ġhārat

suno jis mohalle meñ ronā paḌā hai

maiñ paatā nahīñ dil ko siine meñ apne

ka.ī din se ḳhālī ye konā paḌā hai

karo chal ke ābād ab gor ai 'rind'

bahut din se suunā vo konā paḌā hai

mujhe de ke dil jaan khona paDa hai

gharaz hath donon se dhona paDa hai

jo rona yahi hai to phuTengi aankhen

mujhe ab to aankhon ka rona paDa hai

kiye saikaDon ghar mohabbat ne ghaarat

suno jis mohalle mein rona paDa hai

main pata nahin dil ko sine mein apne

kai din se KHali ye kona paDa hai

karo chal ke aabaad ab gor ai 'rind'

bahut din se suna wo kona paDa hai