mujhe hansne ki aadat thi magar wo aur kuchh samjha
mujhe hañsne kī aadat thī magar vo aur kuchh samjhā
zarā sī ik sharārat thī magar vo aur kuchh samjhā
mirī har baat par hañsne se aksar vo ulajhtā thā
mujhe us se mohabbat thī magar vo aur kuchh samjhā
maiñ hañstī thī ki ranj-o-ġham mirā zāhir na ho us par
muqaddar meñ jo zulmat thī magar vo aur kuchh samjhā
maiñ sun kar Taal jaatī thī nasīhat kī sabhī bāteñ
mirī dil se baġhāvat thī magar vo aur kuchh samjhā
sunānā hāl-e-dil chāhā magar us ko bhī jaldī thī
baḌī achchhī hikāyat thī magar vo aur kuchh samjhā
manānā chāhtī thī sachche dil se ai 'duā' us ko
use mujh se shikāyat thī magar vo aur kuchh samjhā
mujhe hansne ki aadat thi magar wo aur kuchh samjha
zara si ek shararat thi magar wo aur kuchh samjha
meri har baat par hansne se aksar wo ulajhta tha
mujhe us se mohabbat thi magar wo aur kuchh samjha
main hansti thi ki ranj-o-gham mera zahir na ho us par
muqaddar mein jo zulmat thi magar wo aur kuchh samjha
main sun kar Tal jati thi nasihat ki sabhi baaten
meri dil se baghawat thi magar wo aur kuchh samjha
sunana haal-e-dil chaha magar us ko bhi jaldi thi
baDi achchhi hikayat thi magar wo aur kuchh samjha
manana chahti thi sachche dil se ai 'dua' us ko
use mujh se shikayat thi magar wo aur kuchh samjha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
