mujhe har zaKHm wo achchhe lage hain

mujhe har zaḳhm vo achchhe lage haiñ

tirī jānib se jo mujh pe lage haiñ

vo mere ghar bhalā aa.e bhī kaise

mire darvāze pe taale lage haiñ

kisī ne dil hamārā toḌ Daalā

tabhī to ham ġhazal kahne lage haiñ

ginūñ maiñ hijr kī rātoñ ko kaise

ye kuchh din saal ke jaise lage haiñ

na.e kuchh zaḳhm de do phir se mujh ko

purāne zaḳhm ab bharne lage haiñ

use kaise maiñ phir se yaad kar luuñ

bhulāne meñ jise arse lage haiñ

mujhe har zaKHm wo achchhe lage hain

teri jaanib se jo mujh pe lage hain

wo mere ghar bhala aae bhi kaise

mere darwaze pe tale lage hain

kisi ne dil hamara toD Dala

tabhi to hum ghazal kahne lage hain

ginun main hijr ki raaton ko kaise

ye kuchh din sal ke jaise lage hain

nae kuchh zaKHm de do phir se mujh ko

purane zaKHm ab bharne lage hain

use kaise main phir se yaad kar lun

bhulane mein jise arse lage hain