mujhe kaif-e-hijr aziz hai tu zar-e-visal sameT le

mujhe kaif-e-hijr aziiz hai tū zar-e-visāl sameT le

maiñ jo terā koī gila karūñ mirī kyā majāl sameT le

mire harf o saut bhī chhīn le mire sabr-o-zabt ke saath tū

mirā koī maal burā nahīñ merā saarā maal sameT le

ye tamām din kī masāfateñ ye tamām raat kī āfateñ

mujhe in dinoñ se najāt de mirā ye vabāl sameT le

sabhī reza reza ināyateñ usī ek kī haiñ rivāyateñ

vo jo lamha lamha bikher de vo jo saal saal sameT le

tire intizār meñ is tarah mirā ahad-e-shauq guzar gayā

sar-e-shām jaise bisāt-e-dil koī ḳhasta-hāl sameT le

tire ruḳh pe chāñd bhī dard hai tirā is meñ kaun sā harj hai

tū agar ye hāshiya chhoḌ de to agar ye baal sameT le

ye hamārā shauq thā ham ne apne guloñ meñ parinde sajā liye

use iḳhtiyār hai 'rām' jab bhī vo chāhe jaal sameT le

mujhe kaif-e-hijr aziz hai tu zar-e-visal sameT le

main jo tera koi gila karun meri kya majal sameT le

mere harf o saut bhi chhin le mere sabr-o-zabt ke sath tu

mera koi mal bura nahin mera sara mal sameT le

ye tamam din ki masafaten ye tamam raat ki aafaten

mujhe in dinon se najat de mera ye wabaal sameT le

sabhi reza reza inayaten usi ek ki hain riwayaten

wo jo lamha lamha bikher de wo jo sal sal sameT le

tere intizar mein is tarah mera ahad-e-shauq guzar gaya

sar-e-sham jaise bisat-e-dil koi KHasta-haal sameT le

tere ruKH pe chand bhi dard hai tera is mein kaun sa harj hai

tu agar ye hashiya chhoD de to agar ye baal sameT le

ye hamara shauq tha hum ne apne gulon mein parinde saja liye

use iKHtiyar hai 'ram' jab bhi wo chahe jal sameT le