mujhe malum hai main aaj kya hun

mujhe ma.alūm hai maiñ aaj kyā huuñ

ḳhudā huuñ par abhī soyā huā huuñ

sar-e-mahfil maiñ yuuñ ḳhāmosh rah kar

sabhī logoñ ke tevar dekhtā huuñ

mirā maz.hab faqat insāniyat hai

jise har-hāl meñ maiñ pūjtā huuñ

nahīñ us rāste kā koī rahbar

ki jis raste pe ab maiñ chal paḌā huuñ

mujhe sab dekh kar hairān kyuuñ haiñ

maiñ qātil huuñ koī yā devtā huuñ

burā kahne se pahle soch lenā

maiñ jaisā bhī huuñ lekin aap kā huuñ

mujhe tum mere andar DhūñDhte ho

par ik arse se maiñ to lāpata huuñ

mujhe malum hai main aaj kya hun

KHuda hun par abhi soya hua hun

sar-e-mahfil main yun KHamosh rah kar

sabhi logon ke tewar dekhta hun

mera mazhab faqat insaniyat hai

jise har-haal mein main pujta hun

nahin us raste ka koi rahbar

ki jis raste pe ab main chal paDa hun

mujhe sab dekh kar hairan kyun hain

main qatil hun koi ya dewta hun

bura kahne se pahle soch lena

main jaisa bhi hun lekin aap ka hun

mujhe tum mere andar DhunDhte ho

par ek arse se main to lapata hun