mujhe qarar bhanwar mein use kinare mein

mujhe qarār bhañvar meñ use kināre meñ

so kitnī duur talak bahte ek dhāre meñ

mujhe bhī paḌ ga.ī aadat daroġh-goī kī

vo mujh se pūchhtā rahtā thā mere baare meñ

ye kārobār-e-mohabbat hai tum na samjhoge

huā hai mujh ko bahut fā.eda ḳhasāre meñ

kahāñ rahā vo gumān ab ki haiñ zamāna-shanās

ulajh ke rah ga.e zū-ma.anī ik ishāre meñ

ajiib baat sahī ḳhud ko dād-e-fan denā

kisī ke lams kī ḳhushbū hai isti.āre meñ

mujhe qarar bhanwar mein use kinare mein

so kitni dur talak bahte ek dhaare mein

mujhe bhi paD gai aadat darogh-goi ki

wo mujh se puchhta rahta tha mere bare mein

ye karobar-e-mohabbat hai tum na samjhoge

hua hai mujh ko bahut faeda KHasare mein

kahan raha wo guman ab ki hain zamana-shanas

ulajh ke rah gae zu-mani ek ishaare mein

ajib baat sahi KHud ko dad-e-fan dena

kisi ke lams ki KHushbu hai istiare mein