kaha taKHliq-e-fan bole bahut dushwar to hogi

kahā taḳhlīq-e-fan bole bahut dushvār to hogī

kahā maḳhlūq bole bā.is-e-āzār to hogī

kahā: ham kyā kareñ is ahd-e-nā-pursāñ meñ kuchh kahiye

vo bole koī āḳhir sūrat-e-iz.hār to hogī

kahā: ham apnī marzī se safar bhī kar nahīñ sakte

vo bole har qadam par ik na.ī dīvār to hogī

kahā: āñkheñ nahīñ is ġham meñ bīnā.ī bhī jaatī hai

vo bole hijr kī shab hai zarā dushvār to hogī

kahā: jaltā hai dil bole ise jalne diyā jaa.e

añdhere meñ kisī ko raushnī darkār to hogī

kahā: ye kūcha-gardī aur kitnī der tak āḳhir

vo bole ishq meñ miTTī tumhārī ḳhvār to hogī

kaha taKHliq-e-fan bole bahut dushwar to hogi

kaha maKHluq bole bais-e-azar to hogi

kaha: hum kya karen is ahd-e-na-pursan mein kuchh kahiye

wo bole koi aaKHir surat-e-izhaar to hogi

kaha: hum apni marzi se safar bhi kar nahin sakte

wo bole har qadam par ek nai diwar to hogi

kaha: aankhen nahin is gham mein binai bhi jati hai

wo bole hijr ki shab hai zara dushwar to hogi

kaha: jalta hai dil bole ise jalne diya jae

andhere mein kisi ko raushni darkar to hogi

kaha: ye kucha-gardi aur kitni der tak aaKHir

wo bole ishq mein miTTi tumhaari KHwar to hogi