muKhaalifon ke jilau mein wo aaj shamil tha

muḳhālifoñ ke jilau meñ vo aaj shāmil thā

vafā-parast rutoñ kā jo shaḳhs hāsil thā

vo merī zaat kī pahchān bhī ta.āruf bhī

mire lahū meñ ba-rañg-e-hayāt shāmil thā

hasīn raat thī hāthoñ meñ haath the ham the

kanār-e-āb ḳhamoshī thī māh-e-kāmil thā

taġhayyurāt-e-zamāna bhī kyā ajab shai haiñ

jo jāñ-nisār thā pahle vo aaj qātil thā

mujhe bhī faqr kī daulat pe faḳhr thā yaaro

use bhī la.al-o-guhar kā ġhurūr hāsil thā

bahut hī saada tabī.at thā un dinoñ 'arshad'

ki jab vo mehr-o-ḳhulūs-o-vafā kā qaa.il thā

muKHalifon ke jilau mein wo aaj shamil tha

wafa-parast ruton ka jo shaKHs hasil tha

wo meri zat ki pahchan bhi taaruf bhi

mere lahu mein ba-rang-e-hayat shamil tha

hasin raat thi hathon mein hath the hum the

kanar-e-ab KHamoshi thi mah-e-kaamil tha

taghayyuraat-e-zamana bhi kya ajab shai hain

jo jaan-nisar tha pahle wo aaj qatil tha

mujhe bhi faqr ki daulat pe faKHr tha yaro

use bhi lal-o-guhar ka ghurur hasil tha

bahut hi sada tabiat tha un dinon 'arshad'

ki jab wo mehr-o-KHulus-o-wafa ka qail tha