muKHtasar shab ki tawalat nahin ki ja sakti

muḳhtasar shab kī tavālat nahīñ kī jā saktī

kam kisī taur aziyyat nahīñ kī jā saktī

ham ne to ek parī-vash se mohabbat kī hai

log kahte haiñ mohabbat nahīñ kī jā saktī

laakh hote huuñ sabab tark-e-sukūnat ke magar

shahr-e-jāñ se kabhī hijrat nahīñ kī jā saktī

mere nādān mat is ko mirī fankārī samajh

ḳhud pe taarī kabhī vahshat nahīñ kī jā saktī

vasl par dil hī kisī kā na ho maa.il jab tak

hijr kī puurī zarūrat nahīñ kī jā saktī

shart mat rakh ki rah-e-ishq-e-butāñ meñ 'ādil'

vaqt kī rū se baġhāvat nahīñ kī jā saktī

muKHtasar shab ki tawalat nahin ki ja sakti

kam kisi taur aziyyat nahin ki ja sakti

hum ne to ek pari-wash se mohabbat ki hai

log kahte hain mohabbat nahin ki ja sakti

lakh hote hun sabab tark-e-sukunat ke magar

shahr-e-jaan se kabhi hijrat nahin ki ja sakti

mere nadan mat is ko meri fankari samajh

KHud pe tari kabhi wahshat nahin ki ja sakti

wasl par dil hi kisi ka na ho mail jab tak

hijr ki puri zarurat nahin ki ja sakti

shart mat rakh ki rah-e-ishq-e-butan mein 'adil'

waqt ki ru se baghawat nahin ki ja sakti