muḳhtasar vaqt hai par bāteñ kar
zindagī beach safar bāteñ kar
aa kabhī hujra-e-dil meñ mere
raat ke pichhle pahar bāteñ kar
chal chalā jā.ūñ tujhe le kar maiñ
phir kisī ḳhvāb-nagar bāteñ kar
chhoḌ kar duniyā-o-dīñ kī bāteñ
hai to dushvār magar bāteñ kar
lam-yazal sher kī sūrat tū bhī
masnad-e-dil pe utar bāteñ kar
zindagī raqs meñ hai merī jaañ
baiTh jā shor na kar bāteñ kar
tere ehsās ko tasvīr karūñ
ab to kāġhaz pe ubhar bāteñ kar
guftugū tujh se karūñ aise meñ
khulne lagtā hai hunar bāteñ kar
baat kā izn diyā jab us ne
phir tujhe kis kā hai Dar bāteñ kar
terī takmīl huā chāhtī hai
chaak se ab tū utar bāteñ kar
muKHtasar waqt hai par baaten kar
zindagi beach safar baaten kar
aa kabhi hujra-e-dil mein mere
raat ke pichhle pahar baaten kar
chal chala jaun tujhe le kar main
phir kisi KHwab-nagar baaten kar
chhoD kar duniya-o-din ki baaten
hai to dushwar magar baaten kar
lam-yazal sher ki surat tu bhi
masnad-e-dil pe utar baaten kar
zindagi raqs mein hai meri jaan
baiTh ja shor na kar baaten kar
tere ehsas ko taswir karun
ab to kaghaz pe ubhar baaten kar
guftugu tujh se karun aise mein
khulne lagta hai hunar baaten kar
baat ka izn diya jab us ne
phir tujhe kis ka hai Dar baaten kar
teri takmil hua chahti hai
chaak se ab tu utar baaten kar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
