mumkin hai shab-e-hijr dua ka na asar ho
mumkin hai shab-e-hijr duā kā na asar ho
hai raat vo kyā raat ki jis kī na sahar ho
Thukrā ke chale jaanā hai bar-haq tumheñ lekin
bas rakhnā ḳhayāl itnā jahāñ ko na ḳhabar ho
vo shab jo sitāroñ se bharī ho to hameñ kyā
pahlū meñ agar tere mirī shab na basar ho
garjā hai baḌe zor se bādal zarā dekho
bijlī se girī jis pe kahīñ merā na ghar ho
jīvan hai safar 'josh' ye taslīm hai lekin
mahbūb kā ho saath to kyā ḳhuub safar ho
mumkin hai shab-e-hijr dua ka na asar ho
hai raat wo kya raat ki jis ki na sahar ho
Thukra ke chale jaana hai bar-haq tumhein lekin
bas rakhna KHayal itna jahan ko na KHabar ho
wo shab jo sitaron se bhari ho to hamein kya
pahlu mein agar tere meri shab na basar ho
garja hai baDe zor se baadal zara dekho
bijli se giri jis pe kahin mera na ghar ho
jiwan hai safar 'josh' ye taslim hai lekin
mahbub ka ho sath to kya KHub safar ho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
