mumkin hi na thi KHud se shanasai yahan tak

mumkin hī na thī ḳhud se shanāsā.ī yahāñ tak

le aayā mujhe merā tamāshā.ī yahāñ tak

rasta ho agar yaad to ghar lauT bhī jā.ūñ

laa.ī thī kisī aur kī bīnā.ī yahāñ tak

shāyad tah-e-dariyā meñ chhupā thā kahīñ sahrā

merī hī nazar dekh nahīñ paa.ī yahāñ tak

mahfil meñ bhī tanhā.ī ne pīchhā nahīñ chhoḌā

ghar meñ na milā maiñ to chalī aa.ī yahāñ tak

sahrā hai to sahrā kī tarah pesh bhī aa.e

aayā hai isī shauq meñ saudā.ī yahāñ tak

ik khel thā aur khel meñ sochā bhī nahīñ thā

juḌ jā.egā mujh se vo tamāshā.ī yahāñ tak

ye umr hai jo us kī ḳhatā-vār hai 'shāriq'

rahtī hī nahīñ bātoñ meñ sachchā.ī yahāñ tak

mumkin hi na thi KHud se shanasai yahan tak

le aaya mujhe mera tamashai yahan tak

rasta ho agar yaad to ghar lauT bhi jaun

lai thi kisi aur ki binai yahan tak

shayad tah-e-dariya mein chhupa tha kahin sahra

meri hi nazar dekh nahin pai yahan tak

mahfil mein bhi tanhai ne pichha nahin chhoDa

ghar mein na mila main to chali aai yahan tak

sahra hai to sahra ki tarah pesh bhi aae

aaya hai isi shauq mein saudai yahan tak

ek khel tha aur khel mein socha bhi nahin tha

juD jaega mujh se wo tamashai yahan tak

ye umr hai jo us ki KHata-war hai 'shaariq'

rahti hi nahin baaton mein sachchai yahan tak