munfail tha tera jalwa kya kya

munfa.il thā tirā jalvā kyā kyā

ham ne samjhā tirā manshā kyā kyā

ek thā lafz-e-mohabbat jis se

mas.ale ho ga.e paidā kyā kyā

tū hī ḳhud dekh ki tere liye kaam

mar gayā harf-e-tamannā kyā kyā

kaun jaane ki tujhe bin dekhe

tujh se miltā hai sahārā kyā kyā

jab na dekhā unheñ dekhā hī nahīñ

jab bhī dekhā unheñ dekhā kyā kyā

kis ko samjhā.eñ ki us mahfil meñ

kaise hotā hai taqāzā kyā kyā

kis qadar saḳht maqām aa.e the

ham ne rakkhā tirā pardā kyā kyā

ham jo dīvāne nahīñ ho jaate

dekhte log tamāshā kyā kyā

aaj thā raunaq-e-mahfil 'ālī'

tum na hote to vo paḌhtā kyā kyā

munfail tha tera jalwa kya kya

hum ne samjha tera mansha kya kya

ek tha lafz-e-mohabbat jis se

masale ho gae paida kya kya

tu hi KHud dekh ki tere liye kaam

mar gaya harf-e-tamanna kya kya

kaun jaane ki tujhe bin dekhe

tujh se milta hai sahaara kya kya

jab na dekha unhen dekha hi nahin

jab bhi dekha unhen dekha kya kya

kis ko samjhaen ki us mahfil mein

kaise hota hai taqaza kya kya

kis qadar saKHt maqam aae the

hum ne rakkha tera parda kya kya

hum jo diwane nahin ho jate

dekhte log tamasha kya kya

aaj tha raunaq-e-mahfil 'ali'

tum na hote to wo paDhta kya kya