munh mein jis ke tu shab-e-wasl zaban deta hai

muñh meñ jis ke tū shab-e-vasl zabāñ detā hai

sub.h tak maare maze hī ke vo jaañ detā hai

bosa dene ko to kahtā hai vo mujh se lekin

maiñ jo chāhūñ ki abhī de so kahāñ detā hai

nāqa-gar gum na kare raah to ḳhud reg-e-ravāñ

ustuḳhvāñ reza-e-majnūñ kā nishāñ detā hai

sub.h-ḳhezoñ ko bhī maut aa ga.ī kyā hijr kī shab

murġh bole hai na mullā hī azaañ detā hai

kuchh to jagah hai mirī dil meñ bhī us ke varna

ġhairoñ ko yuuñ koī pahlū meñ makāñ detā hai

dil o jaañ mujh se vo māñge hai bahā-e-bosa

hai to saudā bahut achchhā pe girāñ detā hai

ye dam-e-sard hai kis kā ki har ik naḳhl-ba-bāġh

yād-e-be-bargi-e-ayyām-e-ḳhizāñ detā hai

phuul jhaḌte haiñ muñh us ke se hazāroñ mujh ko

gāliyāñ gar kabhī vo ġhuncha-dahāñ detā hai

jaan darvāze par us ke hī maiñ jā kar dūñgā

iztirāb-e-dil agar mujh ko amaañ detā hai

'mus.hafī' maiñ hadaf-e-nāz huuñ aur vaañ ġhamza

dam-ba-dam dast-e-taġhāful meñ kamāñ detā hai

munh mein jis ke tu shab-e-wasl zaban deta hai

subh tak mare maze hi ke wo jaan deta hai

bosa dene ko to kahta hai wo mujh se lekin

main jo chahun ki abhi de so kahan deta hai

naqa-gar gum na kare rah to KHud reg-e-rawan

ustuKHwan reza-e-majnun ka nishan deta hai

subh-KHezon ko bhi maut aa gai kya hijr ki shab

murgh bole hai na mulla hi azan deta hai

kuchh to jagah hai meri dil mein bhi us ke warna

ghairon ko yun koi pahlu mein makan deta hai

dil o jaan mujh se wo mange hai baha-e-bosa

hai to sauda bahut achchha pe giran deta hai

ye dam-e-sard hai kis ka ki har ek naKHl-ba-bagh

yaad-e-be-bargi-e-ayyam-e-KHizan deta hai

phul jhaDte hain munh us ke se hazaron mujh ko

galiyan gar kabhi wo ghuncha-dahan deta hai

jaan darwaze par us ke hi main ja kar dunga

iztirab-e-dil agar mujh ko aman deta hai

'mushafi' main hadaf-e-naz hun aur wan ghamza

dam-ba-dam dast-e-taghaful mein kaman deta hai