munh pherta nahin hai kisi kaam se badan
muñh phertā nahīñ hai kisī kaam se badan
bikhrā paḌā hai aaj magar shaam se badan
bhūlā nahīñ hai ab bhī tirā lams-e-āḳhirī
lo phir sihar uThā hai tire naam se badan
muddat meñ jis tarah koī bichhḌā huā mile
aise lipaT gayā hai dar-o-bām se badan
chhilke to buuñd buuñd mire jism par gire
chipkā liyā hai maiñ ne tire jaam se badan
thoḌā to chalne phirne de mujh ko mire hakīm
thak sā gayā hai roz ke ārām se badan
munh pherta nahin hai kisi kaam se badan
bikhra paDa hai aaj magar sham se badan
bhula nahin hai ab bhi tera lams-e-aKHiri
lo phir sihar uTha hai tere nam se badan
muddat mein jis tarah koi bichhDa hua mile
aise lipaT gaya hai dar-o-baam se badan
chhilke to bund bund mere jism par gire
chipka liya hai main ne tere jam se badan
thoDa to chalne phirne de mujh ko mere hakim
thak sa gaya hai roz ke aaram se badan
- Book : Aavaazon Ka Raushandaan (Pg. 59)
- Author : Kuldeep Kumar
- Publication : Rekhta Publications (2019)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
