munjamid aaKHir hai kyun ta-hadd-e-manzar phail ja

munjamid āḳhir hai kyuuñ tā-hadd-e-manzar phail jā

chaar jānib ai mire ḳhuuñ ke samundar phail jā

merī āvāra-mizājī kā rakhā tū ne bharam

ai ġhubār-e-dasht aa siine ke andar phail jā

aa tujhe apnī nazar se bhī rakhūñ mahfūz maiñ

shauq se mujh meñ samā andar hī andar phail jā

tazkaroñ kā oḌh jaama ai mirī zinda-dilī

har na.e qasbe meñ jā bastī meñ ghar ghar phail jā

āh-o-zārī chhoḌ apnī zaat se bāhar nikal

qahqahe kī guuñj ban kar āsmāñ par phail jā

munjamid aaKHir hai kyun ta-hadd-e-manzar phail ja

chaar jaanib ai mere KHun ke samundar phail ja

meri aawara-mizaji ka rakha tu ne bharam

ai ghubar-e-dasht aa sine ke andar phail ja

aa tujhe apni nazar se bhi rakhun mahfuz main

shauq se mujh mein sama andar hi andar phail ja

tazkaron ka oDh jama ai meri zinda-dili

har nae qasbe mein ja basti mein ghar ghar phail ja

aah-o-zari chhoD apni zat se bahar nikal

qahqahe ki gunj ban kar aasman par phail ja