munkir-e-but hai ye jahil to nahin

munkir-e-but hai ye jāhil to nahīñ

ghar se vaa.iz kahīñ fāzil to nahīñ

tum na āsān ko āsāñ samho

varna mushkil mirī mushkil to nahīñ

kyā sambhāle mere dil kā lañgar

zulf hai kuchh vo salāsil to nahīñ

aaj maiñ dil ko judā kartā huuñ

dekhiye aap ke qābil to nahīñ

zalzale meñ jo zamīñ aatī hai

ye bhī us shoḳh pe bismil to nahīñ

dard ko gurda taḌapne ko jigar

hijr meñ sab haiñ magar dil to nahīñ

haDDiyāñ khāne ko khātā hai humā

sag-e-jānāñ ke muqābil to nahīñ

bolā vo gul jo sunī aah 'saḳhī'

aisī āvāz-e-anādil to nahīñ

munkir-e-but hai ye jahil to nahin

ghar se waiz kahin fazil to nahin

tum na aasan ko aasan samho

warna mushkil meri mushkil to nahin

kya sambhaale mere dil ka langar

zulf hai kuchh wo salasil to nahin

aaj main dil ko juda karta hun

dekhiye aap ke qabil to nahin

zalzale mein jo zamin aati hai

ye bhi us shoKH pe bismil to nahin

dard ko gurda taDapne ko jigar

hijr mein sab hain magar dil to nahin

haDDiyan khane ko khata hai huma

sag-e-jaanan ke muqabil to nahin

bola wo gul jo suni aah 'saKHi'

aisi aawaz-e-anadil to nahin