ye kya hua ki tabiat sambhalti jati hai
ye kyā huā ki tabī.at sambhaltī jaatī hai
tire baġhair bhī ye raat Dhaltī jaatī hai
us ik ufuq pe abhī tak hai e'tibār mujhe
magar nigāh-e-manāzir badaltī jaatī hai
chahār samt se gherā hai tez āñdhī ne
kisī charāġh kī lau phir bhī jaltī jaatī hai
maiñ apne jism kī sargoshiyoñ ko suntā huuñ
tire visāl kī saa.at nikaltī jaatī hai
ye dekho aa ga.ī mere zavāl kī manzil
maiñ ruk gayā mirī parchhā.īñ chaltī jaatī hai
ye kya hua ki tabiat sambhalti jati hai
tere baghair bhi ye raat Dhalti jati hai
us ek ufuq pe abhi tak hai e'tibar mujhe
magar nigah-e-manazir badalti jati hai
chahaar samt se ghera hai tez aandhi ne
kisi charagh ki lau phir bhi jalti jati hai
main apne jism ki sargoshiyon ko sunta hun
tere visal ki saat nikalti jati hai
ye dekho aa gai mere zawal ki manzil
main ruk gaya meri parchhain chalti jati hai
- Book : sooraj ko nikalta dekhoon (Pg. 336)
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
