muqabla hai gham-o-alam ka to samna ranj-o-be-kasi ka

muqābla hai ġham-o-alam kā to sāmnā ranj-o-be-kasī kā

rah-e-mohabbat meñ har qadam par nishān miltā hai zindagī kā

isī mohabbat meñ ham pe guzrā ik aisā 'ālam bhī tīrgī kā

banā liyā āftāb ham ne milā jo zarra bhī raushnī kā

yakāyak ik huuk dil meñ uTThī palaT gayā rañg zindagī kā

ba-ḳhair yādash mire laboñ par abhī abhī naam thā kisī kā

jahāñ se dekho fasāna-e-ġham banī huī iztirāb-e-paiham

hoñ terī nazreñ bhī jis se barham kareñge kyā aisī zindagī kā

ye ahd-e-ġham kī nahīñ hikāyat thī is se pahle bhī aisī hālat

vahīñ pe Thahrī nigāh-e-ulfat jo rañg dekhā shikastagī kā

jo dil pe paiham hai bārish-e-ġham mohabbateñ ho rahī haiñ mohkam

izāfa kartā hai zindagī meñ jo din guzartā hai zindagī kā

bayān-e-ġham kī latāfateñ haiñ mohabbatoñ kī nazākateñ haiñ

vagarna 'ehsās' sach to ye hai salīqa kyā mujh ko shā'irī kā

muqabla hai gham-o-alam ka to samna ranj-o-be-kasi ka

rah-e-mohabbat mein har qadam par nishan milta hai zindagi ka

isi mohabbat mein hum pe guzra ek aisa 'alam bhi tirgi ka

bana liya aaftab hum ne mila jo zarra bhi raushni ka

yakayak ek huk dil mein uTThi palaT gaya rang zindagi ka

ba-KHair yaadash mere labon par abhi abhi nam tha kisi ka

jahan se dekho fasana-e-gham bani hui iztirab-e-paiham

hon teri nazren bhi jis se barham karenge kya aisi zindagi ka

ye ahd-e-gham ki nahin hikayat thi is se pahle bhi aisi haalat

wahin pe Thahri nigah-e-ulfat jo rang dekha shikastagi ka

jo dil pe paiham hai barish-e-gham mohabbaten ho rahi hain mohkam

izafa karta hai zindagi mein jo din guzarta hai zindagi ka

bayan-e-gham ki latafaten hain mohabbaton ki nazakaten hain

wagarna 'ehsas' sach to ye hai saliqa kya mujh ko sha'iri ka