murattab aur bhi ek goshwara ho raha hai

murattab aur bhī ik goshvāra ho rahā hai

to kyā hai gar abhī ham ko ḳhasāra ho rahā hai

hamāre paas to ham se ziyāda tū nahīñ thā

so tū kyā ab to ḳhud se bhī kināra ho rahā hai

hamāre ḳhvāb meñ ahmiyat-e-shab thī ziyāda

so ab vo ḳhvāb āñkhoñ meñ sitāra ho rahā hai

tumhārī aarzū hone se pahle bhī to ham the

guzāra ho rahā thā so guzāra ho rahā hai

hayā-ālūd āñkheñ haiñ na āñchal hai na chilman

ye kis vīrān duniyā kā nazāra ho rahā hai

abhī ham faisla karne kī ujlat meñ nahīñ haiñ

magar lagtā hai jiine se ḳhasāra ho rahā hai

ḳhalā se is zamīñ par sañg-rezo kī ye bārish

kisī jānib se kyā koī ishāra ho rahā hai

murattab aur bhi ek goshwara ho raha hai

to kya hai gar abhi hum ko KHasara ho raha hai

hamare pas to hum se ziyaada tu nahin tha

so tu kya ab to KHud se bhi kinara ho raha hai

hamare KHwab mein ahmiyat-e-shab thi ziyaada

so ab wo KHwab aankhon mein sitara ho raha hai

tumhaari aarzu hone se pahle bhi to hum the

guzara ho raha tha so guzara ho raha hai

haya-alud aankhen hain na aanchal hai na chilman

ye kis viran duniya ka nazara ho raha hai

abhi hum faisla karne ki ujlat mein nahin hain

magar lagta hai jine se KHasara ho raha hai

KHala se is zamin par sang-rezo ki ye barish

kisi jaanib se kya koi ishaara ho raha hai