مسلسل اک مشقت بے سبب ہے
مسلسل اک مشقت بے سبب ہے
محبت بھی بہت محنت طلب ہے
تمہارا غم ہے رشتہ دار میرا
تمہاری یاد ہی میرا نسب ہے
تم آ جاتے تو اچھا تھا مگر اب
مرے دل میں یہی اک آس کب ہے
یوں ہی آتے نہیں احوال تکنے
وہ آئے ہیں تو پھر کوئی سبب ہے
مرے دالان میں گنجینۂ یاد
مروت آشتی افتاد سب ہے
میں روشن ہوں ترے پرتو کے باعث
مرے چہرے پہ تیری تاب و تب ہے
قیامت کی گھڑی گزری ہے اور تو
ابھی موجود و زندہ ہے عجب ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
