mushkilon se jo Dar gae hote

mushkiloñ se jo Dar ga.e hote

zinda kab rahte mar ga.e hote

vo na karte jo rahbarī apnī

ham na jaane kidhar ga.e hote

ghar hamārā agar nahīñ hotā

hādse kis ke ghar ga.e hote

shahr kī zindagī se behtar thā

gaañv meñ apne mar ga.e hote

kaash ham bhī kisī kī rāhoñ meñ

ḳhaak ban kar bikhar ga.e hote

zindagī meñ kabhī 'na'īm' aañsū

do ghaḌī to Thahar ga.e hote

mushkilon se jo Dar gae hote

zinda kab rahte mar gae hote

wo na karte jo rahbari apni

hum na jaane kidhar gae hote

ghar hamara agar nahin hota

hadse kis ke ghar gae hote

shahr ki zindagi se behtar tha

ganw mein apne mar gae hote

kash hum bhi kisi ki rahon mein

KHak ban kar bikhar gae hote

zindagi mein kabhi 'na'im' aansu

do ghaDi to Thahar gae hote