mushtaq hain ushshaq teri banki ada ke
mushtāq haiñ ushshāq tirī bāñkī adā ke
zaḳhmī haiñ mohibbāñ tirī shamshīr-e-jafā ke
har pech meñ chīre ke tire lipTe haiñ āshiq
aalam ke dilāñ band haiñ tujh band-e-qabā ke
larzāñ hai tire dast age panja-e-ḳhurshīd
tujh husn age maat malā.ek haiñ samā ke
tujh zulf ke halqe meñ hai dil be-sar o be-pā
Tuk mehr karo haal upar be-sar-o-pā ke
tanhā na 'valī' jag munīñ likhtā hai tire vasf
daftar likhe aalam ne tirī mad.h-o-sanā ke
mushtaq hain ushshaq teri banki ada ke
zaKHmi hain mohibban teri shamshir-e-jafa ke
har pech mein chire ke tere lipTe hain aashiq
aalam ke dilan band hain tujh band-e-qaba ke
larzan hai tere dast age panja-e-KHurshid
tujh husn age mat malaek hain sama ke
tujh zulf ke halqe mein hai dil be-sar o be-pa
Tuk mehr karo haal upar be-sar-o-pa ke
tanha na 'wali' jag munin likhta hai tere wasf
daftar likhe aalam ne teri madh-o-sana ke
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
