muskan labon par aankhon mein taron ka sajaana mushkil hai

muskān laboñ par āñkhoñ meñ tāroñ kā sajānā mushkil hai

dil toḌnā hai āsāñ lekin rote ko hañsānā mushkil hai

hai kāñch sifat dil siine meñ jab TūTtā hai phir juḌtā nahīñ

jis chiiz se dil uTh jaatā hai phir us se lagānā mushkil hai

ai bulbul-e-dil yuuñ ġham pī kar mat chahak ki ab lab ko sī le

sab saaz burīda-hāl hue ab raag purānā mushkil hai

ai ḳhair-talab afrād chalo apnī jāneñ qurbān kareñ

be-ḳhūn bahā.e duniyā ko ġhaflat se jagānā mushkil hai

tum kāġhzī kashtī meñ dariyā ko paar karo tab samjhoge

ashkoñ se labālab āñkhoñ meñ kyuuñ ḳhvāb sajānā mushkil hai

maanā ki muqaddar hai furqat lāzim hai judā.ī bhī lekin

in sard añdherī rātoñ meñ dil ko samjhānā mushkil hai

muskan labon par aankhon mein taron ka sajaana mushkil hai

dil toDna hai aasan lekin rote ko hansana mushkil hai

hai kanch sifat dil sine mein jab TuTta hai phir juDta nahin

jis chiz se dil uTh jata hai phir us se lagana mushkil hai

ai bulbul-e-dil yun gham pi kar mat chahak ki ab lab ko si le

sab saz burida-haal hue ab rag purana mushkil hai

ai KHair-talab afrad chalo apni jaanen qurban karen

be-KHun bahae duniya ko ghaflat se jagana mushkil hai

tum kaghzi kashti mein dariya ko par karo tab samjhoge

ashkon se labaalab aankhon mein kyun KHwab sajaana mushkil hai

mana ki muqaddar hai furqat lazim hai judai bhi lekin

in sard andheri raaton mein dil ko samjhana mushkil hai